ҚР Конституциясы: қоғам сұранысына берілген жауаптың жаңартылған мазмұны

Конституцияның басым бөлігі жаңартылып, қоғамдағы заманауи басым бағыттарға негізделді. Тұрақты даму мен халықтың өмір сүру сапасын арттырудың негізгі факторлары ретінде адам капиталын дамытуға, білім беру, ғылым мен мәдениетке ерекше мән берілген.

Өзгерістердің ерекше тұсы: қайта қарауға жатпайтын негізгі қағидалардың тізімі айқындалды. Олардың қатарына мемлекеттің тәуелсіздігі, біртекті сипаты мен аумақтық тұтастығы, басқару формасы және Республика қызметінің негізгі қағидаттары жатады.

«Самұрық-Қазына» — экономикалық даму драйвері

«Самұрық-Қазына» қоры ел экономикасының негізгі драйверінің бірі ретінде инфрақұрылымды дамытуға және азаматтардың өмір сапасын жақсартуға бағытталған ауқымды инвестициялық жобаларды іске асырып келеді (қазіргі таңда портфельде жалпы құны 53 трлн теңге болатын 130-дан астам жоба бар). Басқарудағы активтері $88 млрд болатын «Самұрық-Қазына» қоры әлемдегі дербес қорлар арасында 21-орында.

Қор қызметінің маңызды бағыттарының бірі — адам капиталын дамыту. Қызметкерлер жүйелі түрде оқудан өтіп, біліктіліктерін арттырып отырады, заманауи білім беру бағдарламалары енгізіліп, үздіксіз кәсіби өсу мәдениеті қалыптастырылуда.

Тұрақты даму жоспары аясында «Самұрық-Қазына» экологиялық бастамаларды да жүзеге асырып жатыр. Атап айтқанда, соңғы екі жылда ел бойынша 5,8 млн түп ағаш отырғызылды. Осылайша қор экологиялық жағдайды жақсартуға және өскелең ұрпақ үшін қолайлы орта қалыптастыруға өз үлесін қосуда.

Толық мәтінді сілтеме арқылы оқуға болады https://www.gov.kz/memleket/entities/ksrk/press/news/details/1152063?lang=kk